Ola!

Quen son?

Así comezou todo.

Todo comezou co meu nacemento entre idiomas. En casa falábase español e galego. Na gardería sumouse o alemán e moi pronto uniríase tamén o inglés. Xa estaba colocada a primeira pedra. A segunda chegaría á idade de tres anos, idade na que a miña nai me ensinou a ler…

A lectura converteuse nunha gran amiga e a posibilidade de poder ler en diferentes idiomas, ofreceume un abanico aínda máis amplo. As palabras dos demais leváronme a querer ter tamén as miñas propias. Imaxinación para iso non me faltaba. De modo que o círculo de amizades creceu sumándose a escritura.

E así foi como tiven a sorte de que o que era un hobby se convertera na profesión que me apaixona.
Cada tradución representa un mundo novo a descubrir, da igual a temática ou o xénero. Cada proxecto é un reto grazas ao cal non deixo de aprender. Hai quen defende a filosofía da especialización, dedicarse única e exclusivamente a un tipo determinado de tradución. E perderse todo o demais que o resto pode ofrecer? Non.

Eu gozo tanto con contratos como con manuais, con informes médicos como con todo tipo de novelas. Con cada unha das miñas traducións aprendín, gocei e axudei aos meus clientes a cumprir os seus soños laborais e o meu obxectivo é seguir facéndoo. Así que, futuros clientes: PALABREEMOS!

Contacto

As tarifas, orzamentos e regateos mellor comentalos entre ti, eu e o proxecto.
Para iso podes contactar comigo a través do seguinte formulario. Respondereiche o máis axiña posible. Moitas grazas!